کراچی(نیوزڈیسک)قومی ایئرلائن پی آئی اے نے کرایوں میں 20 فیصد کمی کا اعلان کیاہے۔تفصیلات کے مطابق پی آئی اے نے رمضان المبارک میں مسافروں کے لیے خوشخبری سنا دی ہے۔ اندرون ملک پروازوں پر 20 فیصد کمی کا اعلان کیاہے۔ایئر لائن ذرائع کے مطابق پی آئی اے نے اندرون ملک جانے اور آنے والی تمام پروازوں کے کرایوں میں 20 فیصد کمی کا اعلان کیا ہے۔ یہ رعایت اکانومی، اکانومی پلس اور بزنس کلاس مسافروں کو دی جائے گی۔ یہ رعایت 19 جون سے 14 جولائی کے درمیان سفر کرنے والوں کے لیے ہوگی۔پی آئی اے کی جانب سے اس سے قبل بھی بیرون ملک جانے والی پروازوں میں 15 سے 35 فیصد کرایوں میں کمی کا اعلان کیا گیا تھا۔