لاہور( آن لائن )اداکارہ نور نے پانچویں شادی کی خبروں پر خاموشی توڑتے ہوئے پانچویں شادی کی تردید کر دی ہے، تفصیل کے مطابق اداکار ہ نور بخاری نے پانچویں شادی کی خبروں پر غم وغصے کا اظہار کرتے ہوئے کہا کہ دو سال ہو چکے شوبز کو خیر آباد کہ چکی ہوں تاہم ابھی بھی

.خبروں میں رہتی ہوں۔ نور نے کہا کہ نہیں معلوم کے میڈیا میرے پیچھے کیوں پڑا ہے، سکون سے جینے کیو ں نہیں دیا جا تا۔انہوں نے مزید کہا کہ کیا آپ کے پاس میری زندگی پر بات کرنے کے علاوہ کچھ نہیں ہے۔واضح رہے اداکارہ نور بخاری دین پر توجہ دین ے کیلئے شوبز انڈسٹری کو چھوڑ چکی ہیں، تاہم ان کی پانچویں شادی کی خبریں میڈیا پر زیر گردش تھیں۔ یاد رہے میڈیا رپورٹس کے مطابق اداکارہ نور بخاری نے پانچویں شادی کی ہے ۔میڈیا رپورٹس میں بتایا گیا تھا ان دنوں اداکارہ انگلینڈ میں مقیم اور مارچ میں پاکستان آئیں گی ۔بتایا گیا ہے کہ اداکارہ نور بخاری نے چند ماہ قبل خفیہ شادی کی تھی اور اس کے بعد سے وہ انگلینڈ میں مقیم ہیں،اس حوالے سے ذرائع کا کہنا تھا کہ اداکارہ نور مارچ تک وہیں قیام کریں گی جس کے بعد ان کی پاکستان آمد متوقع ہے،نور کی اس سے قبل چار شادیاں ناکام ہو چکی ہیں ۔ نور کے لاہور میں موجود قریبی ذرائع نے اس خبر کی تردید کی باقاعدہ تصدیق تو نہیں کی تاہم ان کا کہنا ہے کہ نور بخاری اپنی زندگی کے فیصلے کرنے میں آزاد ہیں اور دوستوں کو اس بارے میں آگاہ نہیں کرتیں۔  تاہم اب اداکارہ نور نے پانچویں شادی کی خبروں پر خاموشی توڑ دی ہے، ان کا کہنا ہے کہ کوئی شادی نہیں کی، میڈیا کے پاس میری زندگی کے علاوہ چلانے کو کچھ نہیں ہے ۔