لاہور( این این آئی ) وفاقی وزیر برائے ہوابازی غلام سرورخان نے کہاہے کہ قومی احتساب بیورو خودمختارادارہ ہے جو بدعنوان عناصر کے خلاف کام کررہاہے۔،مریم نوازپاکستان میں عدالتوں کاسامناکررہی ہیں اورانہیں ملک چھوڑنے کی اجازت نہیں دینی چاہیے۔ نجی ٹی وی سے گفتگو کرتے ہوئے کہا کہ نیب کا ادارہ مکمل خود مختار اور با اختیار ہے ، پہلی مرتبہ ایسا ہوا ہے کہ موجودہ حکومت احتساب کی

راہ میں کوئی رکاوٹ نہیں ڈال رہی اس لئے اپوزیشن منفی پراپیگنڈا کر رہی ہے ۔ انہوں نے کہا کہ نیب کا ادارہ کرپشن اور منی لانڈرنگ کرنے والوں کو گرفتار کر کے قانون کے مطابق کیسز کو عدالتوں کے ذریعے آگے بڑھا رہا ہے۔ انہوں نے مریم نواز کو بیرون ملک جانے کی اجازت کے حوالے سے کہا کہ کرپشن کیسز عدالتوں میں چل رہے ہیں اس لئے مریم نواز کو ملک چھوڑنے کی اجازت نہیں دینی چاہیے۔