اسلام آباد(مانیٹرنگ ڈیسک)ناروے مسلم ایسوسی ایشن کی جانب سے مذہبی انتہا پسندی اور نفرت انگیزی سے نمٹنے کے لیے 10 ہزار قرآن پاک تقسیم کرنے کا اعلان ،نارویجن مسلم آرٹس اینڈ کلچر ایسوسی ایشن کی رپورٹ کے مطابق نارویجن زبان میں ترجمہ شدہ قرآن پاک اسلام لٹریچر ایسوسی ایشن اور منہاج القرآن مسجد کے اشتراک سے تقسیم ہو گا۔مسلم آرٹس اینڈ کلچر ایسوسی ایشن
کی جانب سے جاری بیان میں کہا گیا ہے کہ’’ہم قرآن پاک کی تعلیم کے مطابق محبت اور علم کو پھیلاتے ہوئے منفی سوچ کا جواب دینا چاہتے ہیں، قرآن پاک کی یہ کاپیاں انٹرنیٹ کے ذریعے تقسیم کی جائیں گی۔‘‘یہ اقدام چند روز قبل ایک انتہا پسند شخص کی جانب سے بھرے مجمعے میں مسلمانوں کی مقدس کتاب قرآن پاک کو نذر آتش کرنے کی کوشش کے بعد اٹھایا گیا ۔
