اسلام آباد (این این آئی) قومی احتساب بیورو (نیب) نے سابق وزیر اعظم نوازشریف کی صاحبزادی مریم نواز کی ضمانت منسوخی کیلئے سپریم کورٹ سے رجوع کر لیا۔ جمعہ کو لاہور ہائی کورٹ کے فیصلے کیخلاف اپیل دائر کی گئی۔ اپیل میں کہاگیاکہ لاہور ہائی کورٹ نے سپریم کورٹ کے احکامات کے برخلاف فیصلہ دیا، ہائی کورٹ نے ضمانت کے کیس میں شواہد پر آبزرویشنز دیں،
ہائی کورٹ کی آبزرویشنز سے ٹرائل متاثر ہونے کا خدشہ ہے۔نیب نے استدعا کی کہ عدالت لاہور ہائی کورٹ کا فیصلہ کالعدم قرار دے۔نیب اپیل میں کہاگیاکہ مریم نواز 2008 میں چوہدری شوگر مل کی 47 فیصد شیئرز کے ساتھ سب سے بڑی شیئر ہولڈر رہیں۔ نیب نے موقف اختیار کیاکہ لاہور ہائیکورٹ سے ان کی ضمانت کے بعد بہت سے قانونی سوالات پیدا ہو گئے ہیں۔
