لندن (این این آئی) مسلم لیگ (ن) کے قائد وسابق وزیراعظم نوازشریف کے معالج ڈاکٹر عدنان نے کہا ہے کہ نوازشریف کا پلیٹ لیٹ کانٹ غیر مستحکم ہیں، ادویات کے ذریعے پلیٹ لیٹ کانٹ خاص لیول پر رکھا جا رہا ہے جبکہ نوازشریف کے مرض کی مزید تحقیقات بھی جاری ہیں۔ڈاکٹر عدنان نے پریس بریفنگ میں کہاکہ نوازشریف کا ریگولر فالو اپ جاری ہے، جس میں خون کے ٹیسٹ بھی شامل ہیں۔ رائٹ ایگزیلا میں نوڈز
ہیں جو بڑے ہو چکے ہیں۔ کارڈیالوجی کی ایک ٹیم بھی نوازشریف کا معائنہ کر رہی ہے۔ لاہور میں نوازشریف کو ہارٹ اٹیک ہوا تھااس لئے انجیو گرام اور انجیو پلاسٹی پی سی آئی کیا جائے گا۔انہوں نے کہاکہ دماغ کو خون منتقل کرنے والی شریان کے علاج کیلئے ویسکولر سرجن کی خدمات لی ہیں۔ ویسکولر سرجن دوبارہ نوازشریف کو معائنہ کریں گے۔ دماغ کی شریان کی سرجری یا سٹنٹ ڈالا جائے گا۔
