واشنگٹن(این این آئی)امریکی صدر ڈونلڈ ٹرمپ نے ایک بار پھر امید ظاہر کی ہے افغانستان میں قیام امن کی کوششیں رنگ لائیں گی اور طالبان کے ساتھ معاملات طے ہوجائیں گے۔ امریکی ٹی وی چینل فوکس نیوز پر بات کرتے ہوئے انہوں نے کہا کہ امریکا افغانستان سے اپنی

فوجیں نکال رہا ہے اور طالبان کے ساتھ کسی سمجھوتے پر پہنچنے کی کوشش بھی کر رہا ہے۔ پچھلے ایک سال میں امریکا اور طالبان کے درمیان مذاکرات کے نو دور ہوئے لیکن بے نتیجہ رہے۔ امریکی حکومت کو امید ہے کہ قطر میں بات چیت کا آئندہ دور سودمند ثابت ہوگا۔