اسلام آباد (این این آئی)قائد حزب اختلاف شہبازشریف نے اے پی سی کیلئے وفد تشکیل دے دیا،راجہ ظفرالحق کی قیادت میں مسلم لیگ (ن) کا وفد اے پی سی میں شرکت کرے گا۔اپنے بیان میں پاکستان مسلم لیگ (ن) کی ترجمان مریم اورنگزیب نے بتایا کہ پارٹی صدر، قائد حزب اختلاف شہبازشریف نے اے پی سی کے لئے
وفد تشکیل دے دیا۔پارٹی صدر کی ہدایت پر راجہ ظفرالحق کی قیادت میں مسلم لیگ (ن) کا وفد اے پی سی میں شرکت کرے گا۔مسلم لیگ (ن) کے وفد میں احسن اقبال، ایاز صادق، امیر مقام بھی شامل ہوں گے۔اپوزیشن کی اے پی سی 26 نومبر کی صبح 11 بجے ہوگی۔اے پی سی کے انعقاد کے مقام کا ابھی اعلان نہیں کیاگیا۔
