لاہور( این این آئی) لاہورہائیکورٹ نے پنجاب لینڈ ریکارڈ اتھارٹی کے ملازمین کے ما ل روڈپر دھرنے کیخلاف درخواست پر سماعت کل ( جمعہ) تک ملتوی کرتے ہوئے حکومت اورپیمرا سے جواب طلب کر لیا۔ لاہورہائیکورٹ کے جسٹس جواد حسن نے ایڈووکیٹ اظہر صدیق کی درخواست پر سماعت کی۔ درخواست میں موقف اپنایا گیا کہ پنجاب لینڈ ریکارڈ اتھارٹی کے ملازمین کے دھرنے کی

وجہ سے گزشتہ کئی روز سے مال روڈبند ہے جس کی وجہ سے ٹریفک کا نظام درہم برہم رہتا ہے ۔حکومت احتجاج ختم کروانے کے لیے کوئی اقدامات نہیں کر رہی ۔ استدعاہے کہ عدالت پنجاب حکومت کو احتجاج ختم کرانے کا حکم دے ۔فاضل عدالت نے اپنے ریمارکس میں کہاکہ احتجاج کے نام پر شہریوں کے بنیا دی حقوق سلب نہیں کیے جاسکتے، قانون کی پابندی کرانا حکومت کی ذمہ داری ہے۔‎