اسلام آباد (نیوزڈیسک)رواں مالی سال 2014-15 میں وسط جون تک وفاقی حکومت نے سرکاری شعبہ کے ترقیاتی پروگرام (پی ایس ڈی پی)کے تحت مختص بجٹ کے 81فیصد کے مساوی فنڈز ریلیز کئے ہیں۔ منصوبہ بندی کمیشن آف پاکستان کے اعدادوشمار کے مطابق وفاقی حکومت نے پی ایس ڈی پی کے تحت 425ارب 60کروڑ روپے کے ترقیاتی فنڈز جاری کئے ہیں جبکہ جاری مالی سال کیلئے پی ایس ڈی پی کے تحت 525ارب روپے کا بجٹ مختص کیا گیا تھا اسطرح مالی سال کے خاتمہ سے تقریبا دو ہفتے پہلے تک مجموعی بجٹ کے 81فیصد کے مساوی ترقیاتی فنڈز جاری کئے جا چکے ہیں۔