کراچی(این این آئی)رواں مالی سال2019-20 کے پہلے چار ماہ کے دوران بجٹ خسارہ پورا کرنے کے لئے حکومت نے 318 ارب روپے قرضہ لیا،جس کے بعد حکومت کے قرضوں میں گذشتہ مالی سال کی نسبت 5گنا اضافہ ہواہے۔اسٹیٹ بینک کے جاری کردہ اعدادوشمار کے مطابق رواں مالی سال کے پہلے 4ماہ جولائی سے اکتوبر تک بجٹ خسارہ پورا کرنے کے لئے 3کھرب 18 ارب روپے قرضہ لیا گیا۔گذشتہ سال اسی عرصے میں صرف 53 ارب 50 کروڑ روپے قرضہ لیا گیا تھا۔اسٹیٹ بینک کے مطابق ٹیکس ریونیو میں کمی، مالی خسارے میں اضافہ روپے کی بے قدری اور ادائیگیوں کی وجہ سے قرض گیری میں اضافہ ہواہے۔