اسلام آباد(آن لائن)رواں مالی سال کی پہلی سہ ماہی کے دوران جوتوں کی برآمدات میں 26.3 فیصد اضافہ ہوا ہے۔ادارہ شماریات پاکستان (پی بی ایس) کے اعداد و شمار کے مطابق جاری مالی سال میں جولائی تا ستمبر 2019ء کے دوران برآمدات کا حجم 37.1 ملین ڈالر تک بڑھ گیا جبکہ گزشتہ

مالی سال کے اسی عرصہ کے دوران برآمدات سے 29.3 ملین ڈالر زر مبادلہ کمایا گیا تھا۔ اس طرح گزشتہ مالی سال کی پہلی سہ ماہی کے مقابلہ میں رواں مالی سال کے ابتدائی تین ماہ کے دوران جوتوں کی برآمدات میں 7.8 ملین ڈالر یعنی 26 فیصد سے زیادہ کا اضافہ ریکارڈ کیا گیا ہے۔