اسلام آباد (مانیٹرنگ ڈیسک)مولانا فضل الرحمان مذاکرات کیلئے تیار لیکن وزیراعظم کے استعفے کی شرط برقرار ،مذاکرات کیلئے صرف چیئرمین سینٹ صاد ق سنجرانی سے ملاقات کیلئے تیار ہیں ۔ معروف کالم نگار و اینکر پرسن حامد میر نے کہا ہے کہ اگر مولانا کامارچ 31اکتوبر کو اسلام آباد میں داخل ہو گیا توڈی چوک کے مقام پر دھرنا دیا جائے گا۔
حامد میر نے انکشاف کیا ہے کہ نواز شریف، شہباز شریف اور مولانا فضل الرحمان ایک ہی صفحے پر ہیں ۔ اگر دھرنا ہوا تو وہ دو یا تین ہفتوں سے پہلے ختم نہیں ہونے والا ۔ شہباز شریف اور مولانا فضل الرحمان کی گفتگو کو دیکھ کر مذاکرات کا کوئی امکان دکھائی نہیں دیتا ۔ ان کا مزید کہنا تھا کہ حکومت نے مذاکراتی عمل کرنے کیلئے بہت دیر کر دی ۔
