اسلام آباد( آن لائن )وزارت منصوبہ بندی، ترقی و اصلاحات نے سرکاری شعبہ کے ترقیاتی پروگراموں میںہائوسنگ اینڈ ورکس ڈویژن کے ترقیاتی کاموں کے لئے مجموعی طور پر اب تک 58کروڑ 60 لاکھ روپے سے زائد کے فنڈز جاری کردیئی ہیں۔حکومت نے ڈویژن کے ترقیاتی کاموں کے لئے رواں مالی سال کے دوران 2 ارب

93 کروڑ روپے کے فنڈز مختص کئے ہیں۔ پلاننگ کمیشن کے جاری اعدادو شمار کے مطابق حکومت نے مندرہ چکوال روڈ کی تعمیر کے لئے 10 کروڑ، سوہاوہ چکوال روڈ کے لئے 15 کروڑ، موسی خیل تونسہ روڈ کے لئے 7 کروڑ 21 لاکھ، نیب کمپلیکس لاہور میں تعمیراتی کاموں کے لئے 89 لاکھ روپے سے زائد کے فنڈز جاری کردیئے ہیں۔

موضوعات:وزارت منصوبہ بندی