اسلام آباد (مانیٹرنگ ڈیسک) اگر ہائیکورٹ نے آزادی مارچ کیخلاف فیصلہ دیا تو ہم اس پر بیٹھیں گے اور اس فیصلے کودیکھا جائے گا ، ہم قانون کا احترام کریں گے ۔جے یو آئی کے رہنماحافظ حسین احمد کا اعلان،نجی ٹی وی پروگرام میں گفتگو کرتے ہوئے ان کا کہنا تھا کہ اگر ہائیکورٹ نے آزادی مارچ کیخلاف فیصلہ دیا تو ہم اس پر بیٹھیں گے اور
اس فیصلے کودیکھا جائے گا ۔حافظ حسین احمد کا کہنا تھا کہ فیصلہ ہمارے حق میں آئے یا خلاف آئے ہم قانون کو ہاتھ میں نہیں لیں گے ، ہم پر امن طور پر آئیں گے اور ایک پتا نہیں ٹوٹے گا ۔ ان کا کہناتھا کہ ہم پارلیمنٹ کی دیواروں پر شلواریں نہیں لٹکائیں گے ۔یاد رہے کہ جے یو آئی نے 27اکتوبر کو اسلام آباد میں آزادی مارچ کا اعلان کر رکھا ہے ۔
