بیجنگ (مانیٹرنگ ڈیسک)وزیراعظم عمران خان کا چین پہنچنے پر ان کا استقبال چینی وزیر ثقافت نے کیا۔اس موقعے پر وزیراعظم عمران خان کے استقبال کیلئے پاکستان میں تعینات چینی سفیر اور چین میں تعینات پاکستانی سفیر نغمانہ ہاشمی بھی موجود تھے ۔ عمران خان کا دورہ چین کافی اہمیت دی جارہی اور کہا جارہا ہے کہ یہ دورہ سود مند ثابت ہو گا ۔ وزیراعظم
عمران خان کے ہمراہ وفاقی وزیر خارجہ شاہ محمود قریشی، وفاقی وزیر ریلویز شیخ رشید، وفاقی وزیر منصوبہ بندی، ترقی و اصلاحات خسرو بختیار، مشیر تجارت عبدالرزاق داؤد، معاون خصوصی پٹرولیم ندیم بابر، چیئرمین سرمایہ کاری بورڈ اور سینئر حکام بھی موجود ہیں۔واضح رہے کہ عمران خان کا وزارت عظمیٰ سنبھالنے کے بعد چین کا یہ تیسرا سرکاری دورہ ہے۔
