اسلام آباد (این این آئی) جمعیت علمائے اسلام (ف) کے قائد مولانا فضل الرحمن کے حکومت کیخلاف آزادی مارچ اور دھرنے کو اسلام آباد ہائی کورٹ میں چیلنج کردیا گیا ہے۔تفصیلات کے مطابق جمعیت علمائے اسلام (ف) کے قائد مولانا فضل الرحمن کے حکومت کیخلاف آزادی مارچ اور دھرنے کو اسلام آباد ہائی کورٹ میں چیلنج کردیا گیا ہے۔شہری حافظ احتشام کی جانب سے ہائیکورٹ میں جمع کرائی گئی
درخواست میں موقف اختیار کیا گیاہے کہ جمعیت علمائے اسلام (ف)کو آزادی مارچ اور دھرنا دینے سے روکا جائے۔درخواست میں موقف اختیارکیا گیا ہے کہ اسلام آباد ہائیکورٹ نے دھرنے اور احتجاج کیلئے جگہ مختص کر رکھی ہے۔ درخواست میں سیکرٹری داخلہ،سیکرٹری تعلیم،سربراہ جے یو آئی (ف) مولانا فضل الرحمن،ڈپٹی کمشنر اسلام آباد اور چیئرمین پیمرا کو کو فریق بنایا گیا ہے۔
