لاہور (این این آئی) لاہور ہائیکورٹ نے چیئرمین نیب جسٹس (ر)جاوید اقبال کے والدین کے قتل میں سزائے موت پانے والے تین ملزموں کو ناکافی ثبوتوں کی بنیاد پر بری کر دیا۔لاہور ہائیکورٹ کے جسٹس صداقت علی خان کی سربراہی میں 2 رکنی بنچ نے ملزموں کی اپیل پر سماعت کی جس میں ٹرائل کورٹ کی سزا کو چیلنج کیا گیا، ملزموں پر 2011 میں لین دین کے تنازعے پر والدین کو قتل کرنے کا الزام تھا

اور ٹرائل کورٹ نے 2016 میں سزا سنائی۔ ملزموں کے وکیل نے نشاندہی کی کہ پولیس نے ملزموں کو شک کی بیناد پر گرفتار کیا اور ملزموں کے خلاف ٹھوس شواہد پیش نہیں کیے گئے، اپیل کنندہ کے خلاف شہادتیں بھی موجود نہیں ہیں۔ہائیکورٹ نے چیئرمین نیب جسٹس (ر)جاوید اقبال کے بھائی نوید اقبال سمیت 3 ملزموں کو بری کر دیا۔ بری ہونے والے میں عباس اور امین شامل ہیں۔