اسلام آباد (این این آئی)مولانا فضل الرحمان کے آزادی مارچ اور دھرنے میں شرکت کے حوالے سے مسلم لیگ (ن)کا حتمی فیصلہ ہونا ابھی باقی ہے۔ مسلم لیگ (ن) کے سیکرٹری جنرل احسن اقبال نے بتایاکہ مولانا فضل الرحمن کے مارچ یا دھرنے میں شرکت کے بارے حتمی فیصلہ نواز شریف ہی کریں گے۔ احسن اقبال نے کہاکہ نوازشریف سیاسی صورتحال پر غور کے بعد

چند روز میں پارٹی کو اپنے فیصلہ سے آگاہ کریں گے۔ احسن اقبال نے کہاکہ نوازشریف کے جواب کے بعد مسلم لیگ ن کی مرکزی مجلس عاملہ کا اجلاس بلایا جائے گا۔ احسن اقبال نے تصدیق کی کہ نوازشریف نے شہبازشریف کی تجاویز کی روشنی میں حتمی فیصلے پر غور کے لئے کچھ وقت مانگا ہے،نوازشریف جو فیصلہ کریں گے پارٹی صدر سے کارکن تک سب اس پر عمل کریں گے۔