لندن (این این آئی)برطانیہ کی ہائی کورٹ آف جسٹس نے پاکستان اور بھارت کے دعووں کو مسترد کرتے ہوئے حیدر آباد فنڈ کیس کا فیصلہ نظام آف حیدرآباد کے ورثا کے حق میں دیدیا۔ترجمان دفترخارجہ کی جانب سے جاری بیان کے مطابق‘پاکستان کو حیدر آباد فنڈ کیس پر برطانیہ کی ہائی کورٹ آف جسٹس کے فیصلے مل گیا ہے
جو جون 2019 میں دو ہفتے زیرسماعت رہا تھا۔پاکستان اور بھارتی حکومت کے دعووں کا حوالہ دیتے ہوئے دفتر خارجہ نے کہاکہ فیصلے میں دونوں مرکزی فریقین کے طویل عرصے سے موجود دعووں کو مسترد کردیا گیا ہے اور نظام آف حیدرآباد کے ورثا کے دعووں کو برقرار رکھا ہے۔ترجمان دفتر خارجہ کے بیان کے مطابق فیصلے میں رقم کی منتقلی کے تاریخی سیاق و سباق سے متعلق نہیں ہے جبکہ بھارت نے عالمی قوانین اور تہذیبی اقدار کی خلاف ورزی کرتے ہوئے حیدرآباد کو غیر قانونی طور پر شامل کرلیا تھا۔بیان میں کہا گیاکہ بھارت نے نظام آف حیدر آباد کو اپنے عوام اور ریاست کو بھارتی مداخلت سے بچانے کے لیے انتہائی اقدامات کرنا پڑے۔دفترخارجہ کے مطابق نظام نے معاملے کو اقوام متحدہ کی سلامتی کونسل میں بھی اٹھایا جہاں یہ معاملہ تاحال ایجنڈے میں ہے۔بیان میں کہا گیا کہ نظام نے خودمختار کی حیثیت سے پاکستان سے تعاون طلب کی اور حکومت پاکستان نے فراہم کردی تھی۔انہوں نے کہاکہ پاکستان تفصیلی فیصلے کے تمام پہلووں کا جائزہ لے رہا ہے اور قانونی مشاورت سے مزید اقدامات کریں گے۔
