اسلام آباد(مانیٹرنگ ڈیسک)اینکرپرسن مبشر لقمان اور ٹک ٹاک اسٹارز حریم شاہ اور صندل خٹک کے درمیان جاری تنازع میں نیا موڑ، دونوں ایک دوسرے کے خلاف مقدمہ درج کرانے کے لیے عدالت جا پہنچے ،تفصیلات کے مطابق ٹی وی اینکر نے لاہور ہائی کورٹ میں دونوں خواتین سمیت پنجاب کے صوبائی وزیر فیاض الحسن چوہان کے خلاف بھی مقدمہ دائر کرنے کی درخواست پیش کردی۔مبشر لقمان نے الزام لگایا کہ فیاض الحسن چوہان کی ایما پر یہ دونوں
خواتین ان کے جہاز میں آئیں اور قیمتی چیزیں چرالی۔دوسری جانب حریم شاہ اور صندل خٹک نے بھی لاہور کی ضلعی عدالت میں مبشر لقمان کے خلاف مقدمہ درج کرنے کی درخواست دائر کردی۔ماڈلز نے اپنی درخواست میں بتایا کہ مبشر لقمان نے ان پر چوری کرنے کا جھوٹا الزام عائد کیا اور انہیں ڈرایا دھمکایا بھی،یاد رہے کہ مبشر لقمان نے گزشتہ ماہ دونوں پر ان کے نجی طیارے میں بغیر اجازت بیٹھنے اور قیمتی سامان چوری کرنے کا الزام عائد کیا تھا۔
