دبئی(این این آئی )متحدہ عرب امارات کے وزیر مملکت برائے خارجہ امور نے قطر پرذرائع ابلاغ کے ذریعے سعودی عرب اور امارات میں مداخلت کا الزام عاید کیا ہے۔عرب ٹی وی کے مطابق مائیکرو بلاگنگ ویب سائیٹ ٹویٹرپر پوسٹ کردہ ٹویٹس میں قطری میڈیا نے یمن کے بحران کے ذریعے سعودی عرب اور متحدہ عرب امارات کو نشانہ بناتے ہوئے اخوان ملیشیائوں اورحوثی ملیشیا
کا دفاع کررہا ہے۔انور قرقاش نے کہا کہ واقعات اور قطر میڈیا لائن کے ذریعے دوحا یمنی بحران میں شامل ہو گیا ہے۔انہوں نے مزید کہا کہ قطرکا موقف حوثی اور اخوان المسلمین کی تعریف کرتا اور ان کی حمایت کرتا ہے۔ اس طرح قطر یمن کے راستے سعودی عرب اور متحدہ عرب امارات کو نشانہ بنا کر دوحا کے بحران میں بین الاقوامی توجہ کی کمی کی تلافی کرنے کی کوشش کرتا ہے۔
