کراچی(این این آئی)گورنرسٹیٹ بینک ڈاکٹر رضا باقرنے کہاہے کہ حکومتی کوششوں سے کرنٹ اکائونٹ خسارہ کم ہورہا ہے، زرمبادلہ کے ذخائر بڑھیں گے تو عالمی برادری سے بار بار مالی امداد لینے کی ضرورت نہیں ہوگی۔ ڈالر کی قیمت کے تعین کیلئے آئی ایم ایف نے کوئی ہدف نہیں دیا۔ مارکیٹ کی بنیاد پر قیمت کا تعین ہورہا ہے۔خصوصی انٹرویوکے دوران گورنر سٹیٹ بینک ڈاکٹر رضا باقر نے کہاکہ معیشت کی سمت درست ہوگئی ہے، کرنٹ اکائونٹ خسارہ بھی کم ہورہا ہے۔انہوں نے کہاکہ2015میں جاری کھاتوں کا خسارہ جی ڈی پی کا

صرف ایک فیصد تھا، 2018میں دو ارب ڈالر ماہانہ تک پہنچ گیا تھا ۔ ہماری کوششوں سے کم ہوگیاہے۔ڈاکٹر رضا باقر نے بتایا کہ صرف پاکستان کی برآمدی مالیت ہی نہیں کم ہورہی ۔ حریف ممالک کی صورتحال بھی ایسی ہی ہے، چیلنجز کا ذکر کرتے ہوئے انہوں نے کہاکہ شرح مبادلہ میں استحکام اہم چیلنج ہے۔ بینکوں سے مشاورت کرکے بتادیاہے کہ اب مرکزی بینک ڈالر کی قیمت طے نہیں کرے گا۔گورنر سٹیٹ بینک نے کہاکہ زرمبادلہ کے ذخائر زیادہ ہوں گے تو معاشی بحران کے باوجود عالمی برادری سے مالی امداد لینے کی ضرورت نہیں ہوگی۔

موضوعات:گورنرسٹیٹ بینک