اسلام آباد/لاہور( این این آئی )وزیر اعظم عمران خان کی اقوام متحدہ کی جنرل اسمبلی میں کی گئی دبنگ تقریر ملک بھر میں موضوع بحث ہے ، سیاسی مخالفین کی جانب سے بھی وزیر اعظم عمران کی تقریر کو سراہا جارہا ہے ۔ تفصیلات کے مطابق وزیر اعظم عمران خان کی جمعہ کی رات جنرل اسمبلی میں کی گئی تقریر پورے ملک میں موضوع بحث ہے ۔ سرکاری و نجی دفاتر
، تجارتی مراکز اور سیاسی حلقوں میں وزیر اعظم عمران خان کی تقریر پر بحث و مباحثہ جاری ہے اور اسے دبنگ تقریر کہا جارہا ہے ۔ علاوہ ازیں سیاسی مخالفین کی اکثریت نے بھی وزیر اعظم عمران خان کی تقریر کو سراہتے ہوئے کہا ہے کہ اچھے کام کی ضرور تعریف کرنی چاہیے ۔سوشل میڈیا پر بھی وزیر اعظم عمران خان کی جنرل اسمبلی میں کی گئی تقریر کو سراہا جارہا ہے ۔
