کراچی(آن لائن ) چئیرمین پاکستان پیپلز پارٹی بلاول بھٹو زرداری نے کہا ہے کہ قومی اسمبلی میں سلیکٹڈ کے لفظ پر پابندی لگانے والے ڈپٹی اسپیکر اپنی سیٹ سے محروم ہوگئے، قاسم سوری کے حلقہ انتخاب کے 65 ہزار ووٹوں کی تصدیق نہ ہوسکی۔سما جی رابطے کی ویب سائٹ ٹو یٹر پر اپنے پیغام میں بلاول بھٹو زرداری

کا کہنا تھا کہ سچ کو دبایا نہیں جاسکتا، جلد تمام سلیکٹڈ لوگوں کو جانا ہوگا۔ انہوں نے ڈپٹی سپیکر قاسم سوری کے ڈی سیٹ ہونے پر تبصرہ کرتے ہوئے کہا کہ قاسم سوری کے حلقہ انتخاب کے 65 ہزار ووٹوں کی تصدیق نہ ہوسکی۔ لفظ سلیکٹڈ پر پا بندی لگانے والا خود ہی اپنی سیٹ سے محروم ہو گیا ہے ۔