پتو کی(این این آئی ) پتوکی میں سبزیوں کی قیمتوں میں مسلسل اضافہ گوشت کے بعد سبزیاں بھی غریب کی پہنچ سے دور ہوگئیں سبز منڈی دوکانداروں نے اپنے من مرضی ریٹ مقرر کر لیے تفصیلات کے مطابق پتوکی میں سبز منڈی کی قیمتوں میں اضافہ سبز منڈی دوکانداروں نے اپنے من مرضی ریٹ مقرر کر لیے اس وقت پیاز80، ٹماٹر80، لہسن 300، ادرک400، گھیا کدو80، گوبھی 100، مٹر250، کریلااور بھنڈی 100،شملہ مرچ200روپے فی کلوکے حساب سے فروخت ہورہی ہیں۔موسمی سبزیاں بھی غریب کی پہنچ سے دور ہوگئی ہیں

اور 300سے500روپے یومیہ کمانے والا بھی سبزی نہیں خرید سکتایہی وجہ ہے کہ غریب آدمی کے مسائل مسلسل بڑھ رہے ہیں سبزیوں کی قیمتوں میں مسلسل اضافہ چیک اینڈ بیلنس کا موثر نظام نہ ہونے کی وجہ بتایا جاتا ہے ۔یہی وجہ ہے کہ لوگ مہنگی سبزیاں خریدنے پر مجبور ہیں شہر کے عوامی سماجی حلقوں اور شہریوں نے اسسٹنٹ کمشنر پتوکی اور ڈپٹی کمشنر قصور سے مطالبہ کیا ہے کہ فوری نوٹس لیکر خود ساختہ مہنگائی کو روکا جائے اور سرکاری نرخوں پر سبزیاں فروخت نہ کرنے والے دوکانداروں کے خلاف سخت کاروائی عمل میں لائی جائے۔