نوشکی (این این آئی) تحریک انصاف کے اہم رہنما نے بھارتی وزیراعظم نریندر مودی کا سر لانے والے کیلئے 10 کروڑ روپے انعام کا اعلان کر دیا پاکستان تحریک انصاف کے مرکزی کمیٹی کے رکن و چیف آف رخشانی سردار پرنس عبدالقادر بلوچ کے قیادت میں یوم دفاع 6 ستمبر اور یکجہتی کشمیر کے حوالے سے عظیم الشان ریلی نکالی گئی،
ریلی سے ایف سی ہیڈ کوارٹر کے سامنے سے شروع ہوئی اور جناح روڈ سے ہوتے ہوئے صدیق اکبر چوک پہنچی، ریلی کے شرکاء نے پاکستانی اور کشمیری پرچم اٹھا رکھے تھے جبکہ 100 میٹر لمبی قومی پرچم بھی شرکاء نے اٹھایا ہوا تھا۔مظاہرین نے پاکستان و کشمیر کے حق اور بھارت مخالف شدید نعرے بازی بھی کی۔ریلی کے شرکاء سے چیف آف رخشانی سردار پرنس عبدالقادر بلوچ،ہندو پنچائیت کے سربراہ چوہدری سندیپ نے خطاب کرتے ہوئے کہاکہ پاکستان کو جنگ کی دھمکیاں دینے والوں کو 6 ستمبر 1965 کی عبرت ناک شکست یاد رکھنی چائیے بلوچستان کے عوام کا جینا مرنا پاکستان کے ساتھ ہے پاکستان اور بلوچستان پر میلی نگاہ رکھنے والوں کے آنکھیں پھوڑ دینے کی بلوچ قبائل صلاحیت رکھتے ہیں۔کشمیر ہماری شہ رگ ہے اور شہ رگ کے لئے کسی بھی حد تک اور جنگ کرنے سے بھی پیچھے نہیں ہٹیں گے۔انہوں نے بھارتی وزیر اعظم نریندر مودی کے سر کی قیمت 10 کروڑ مقرر کرتے ہوئے کہاکہ جو بھی مودی کو قتل کریگا اس کو 10 کروڑ انعام دیا جائیگا۔بلوچ قبائل انڈیا اور انڈیا کے گماشتوں سے جنگ لڑنے کے لئے ہمہ وقت تیار ہیں، پاکستان کے خلاف سازش کرنے والوں کو یاد رکھنی چائیے کہ ملک کے 21 کروڑ عوام اپنے افواج کے ساتھ مل کر ملک کے دفاع کے لئے اپنا تن من اور دھن کی بھی قربانی سے دریغ نہیں کرینگے۔
