لاہور(سی پی پی)صوبہ پنجاب کے شہر لاہور میں پولیس کے زیرحراست ملزم پر مبینہ تشدد کے نتیجے میں ملزم دم توڑ گیا۔زرائع کے مطابق لاہور میں زیرحراست ملزم پر پولیس کے مبینہ تشدد کے باعث ملزم سروسز اسپتال میں دم توڑ گیا، لواحقین نے احتجاج کرتے ہوئے جیل روڈ بلاک کردی جبکہ آئی جی پنجاب نے نوٹس لیتے ہوئے سی سی پی او سے رپورٹ طلب کرلی ہے۔
واضح رہے کہ گزشتہ ہفتے رحیم یارخان میں اے ٹی ایم مشین توڑنے اور منہ چڑانے والا ملزم بھی پنجاب پولیس کے زیرِ حراست طبیعت خراب ہونے کی وجہ سے اسپتال میں دم توڑ گیا تھا۔پولیس کیمطابق ملزم صلاح الدین حوالات میں عجیب حرکتیں کر رہا تھا اس دوران ملزم کی اچانک طبیعت خراب ہونے پر اسے اسپتال منتقل کیا گیا تھا، اسپتال میں دوران علاج وہ دم توڑ گیاتھا۔
