لاہور(آن لائن) مسلم لیگ (ن) کے ایم پی اے فیصل نیازی نے دوستوں کے ساتھ مل کر بنت حوا کی عزت تار تار کردی با اثر ممبر صوبائی اسمبلی نے خاتون کو ملازمت کا جھانسہ دے کر لاہور بلایا اور اپنے دوستوں سمیت اس کی عزت سے کھیلتا رہاخاتون کی درخواست پر تھانہ نواب ٹاؤن لاہور میں مقدمہ درج باثر ملزمان تفتیش میں رکاوٹ بن گئے اور خاتون کیخلاف پنجاب کے مختلف تھانوں میں
مقدمات درج کراکے اسے بلیک میل کرنے لگے تفصیلات کے مطابق ع ش نامی خاتون نے تھانہ نواب ٹاؤن میں درخواست دی کہ ایم پی اے فیصل نیازی نے ملازمت کا جھانسہ دے کر اسے بلایا وہ کاغذات لے کر لبرٹی آگئی جہاں فیصل نیازی اپنے دوست راشد ترین کے ہمراہ گاڑی پر بیٹھے ہوئے تھے انہوں نے مجھے گاڑی میں بٹھالیا اور جوہر ٹاؤن کی طرف روانہ ہوگئے فیصل نیازی سائلہ کے ساتھ پیچھے بیٹھا نازیبا حرکتیں کرتا رہا کچھ دیر بعد اس نے مجھے کہا کہ تمہاری ملازمت راشد ترین کرائے گا اور خود گاڑی سے اترگیا۔ راشد ترین مجھے رائل ہوٹل لے گیا وہاں ایک اور شخص جسے میں نہیں جانتی وہ بھی آگیا ان دونوں نے مجھے اسلحہ دکھا کر ڈرایا دھمکایا شراب پلائی اور زنا بالجبر کرتے رہے۔ میں نے موقعہ پاتے ہی ون فائیو پر فون کیا پولس کے آتے ہی نامعلوم فرار ہوگیا جب کہ راشد ترین کو موقع پر گرفتار کرلیا گیا۔ پولیس نے مقدمہ درج کرکے تفتیش شروع کی ہے مگر ذرائع کے مطابق با اثر ملزمان نہ صرف تفتیش پر اثر انداز ہورہے ہیں بلکہ مدعیہ کیخلاف پنجاب کے مختلف تھانوں میں مقدمات درج کروارہے ہیں واضح رہے کہ فیصل نیازی خانیوال سے سابق حکمران جماعت مسلم لیگ(ن)کے رکن صوبائی اسمبلی ہیں۔
