کراچی(این این آئی)اینکرمریدعباس کے قتل میں ملوث ملزم عادل زمان پولیس کی گرفت سے تاحال باہرہے۔عاطف زمان کے بھائی نے والد سے مل کر جائیدادیں بیچنا شروع کردی ہیں۔ اینکرمریدعباس کے قاتل عاطف زمان کا بھائی عادل زمان پولیس کی پکڑ میں نہیں آرہا۔ ملزم عادل زمان مسلسل سوشل میڈیا کااستعمال کررہا ہے۔ چند روز قبل
عادل زمان نے فیس بک پر تصویراپ لوڈ کی۔ ذرائع کے مطابق ملزم نے اپنے والدکے ہمراہ مہران ٹائون اور بحریہ ٹائون میں پلاٹس فروخت کئے اورکشمیرکالونی میں گھرفروخت کرنے کیلیے سرگرم ہے۔عدالت کی جانب سے وارنٹ گرفتاری جاری ہونے کے باوجودملزم عادل زمان آزاد گھوم رہا ہے جبکہ چالان میں اسے مفرورقراردیاگیا ہے۔
