لاہور(سی پی پی)پاکستان پیپلز پارٹی کے رہنما قمر زمان کائرہ نے اپنے مرحوم بیٹے سے متعلق ٹویٹر پیغام جاری کیا جس نے سب کو آبدیدہ کر دیا۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں قمر زمان کائرہ نے اپنے مرحوم بیٹے اسامہ اور اس کے دوست کی تصویر شئیر کی اور کہا کہ اسامہ قمر کائرہ، میں تمہیں تمہاری 21 ویں سالگرہ پر بہت مِس کر رہا ہوں۔انہوں نے ٹویٹر صارفین سے

درخواست کی کہ وہ اسامہ کے ساتھ ساتھ اس کے دوست حمزہ بٹ کے لیے بھی دعا کریں۔ میری دعا ہے کہ اللہ ان دونوں کو جوار رحمت میں جگہ اور جنت میں اعلی مقام عطا فرمائے۔ آمین یا رب العالمین۔ قمر زمان کائرہ کے اس ٹویٹ نے سوشل میڈیا پر کئی صارفین کو افسردہ کر دیا، ٹویٹر صارفین نے قمر زمان کائرہ کے لیے بھی نیک تمناؤں کا اظہار کرنے کے ساتھ ساتھ ان کو صبر کی تلقین کی۔

موضوعات:قمر زمان کائرہ