کراچی(این این آئی)سندھ ہائیکورٹ نے پروجیکٹ ڈائریکٹرگاربیج مصطفی کمال کی بحالی کی درخواست مستردکرتے ہوئے ریمارکس دیئے ہیںکہ جب تقرری ضابطے کے تحت نہیں ہوئی تو معطلی کے خلاف کیسے درخواست دائر کی جاسکتی ہے۔جمعرات کوجسٹس شفیع صدیقی نے سندھ ہائی کورٹ میں دائر درخواست کی
سماعت کرتے ہوئے درخواست گزارپر برہمی کا اظہار کیا اور ریمارکس دیئے کہ کیا آپ مذاق کرنے آئے ہیں؟ جب تقرری ضابطے کے تحت نہیں ہوئی تو معطلی کے خلاف کیسے آ سکتے ہیں۔درخواست گزار نے عدالت کو بتایاکہ مئیر نے مصطفی کمال کی تقریری غلط کی تو مطلب ہے مئیر نااہل تھا، درخواست میں مئیر کراچی، مصطفی کمال اور سیکریٹری بلدیات کو فریق بنایا گیا تھا۔
