اسلام آباد (نیوز ڈیسک) پاکستانی عوام نے کشمیری مسلمانوں سے اظہار یکجہتی اور بھارتی مظالم کے خلاف بھارتی اشیاء کا بائیکاٹ کر دیا ہے، سماجی رابطے کی ویب سائٹ ٹوئٹر پر بائیکاٹ انڈین پراڈکٹس ٹاپ ٹرینڈ بن گیا ہے۔ اب تک ہزاروں ٹوئٹس اس ٹرینڈ کے ہیش ٹیک سے کی جا چکی ہیں، یاد رہے کہ تحریک انصاف کے رہنما عبدالعلیم خان نے گزشتہ روز دنیا بھر کے مسلمانوں سے اپیل کرتے ہوئے کہا تھا کہ
وہ بھارتی اشیاء کو استعمال کرنا چھوڑ دیں اور پوری دنیا میں بھارتی مصنوعات کا بائیکاٹ کریں۔ اس اعلان کے بعد پاکستان میں اس مہم کا آغاز کر دیا گیا ہے، ایک ٹوئٹر صارف نے اپنے ٹوئٹ میں کہا کہ یہ وقت بھارتی دہشت گردی کے خلاف اکٹھا ہونے کا ہے، ایک صارف شیراز نے بائیکاٹ انڈین پراڈکٹس کا ہیٹ ٹیگ استعمال کرتے ہوئے کہا کہ کیا تم کشمیری بھائیوں کے موت خرید رہے ہو؟ ایک صارف عبدالرحمان نے کہا کہ بھارت کی انٹرٹینمنٹ سمیت تمام مصنوعات کا بائیکاٹ کیا جائے۔ تمام بھائی اب یہ کر ڈالیں، ایک اور صارف عبدالرحمان نے کہا کہ ہم بائیکاٹ کے لیے تیار ہیں۔ اس طرح کے ہزاروں ٹوئٹس ہو چکے ہیں اور اس کا سلسلہ ابھی جاری ہے، پاکستانیوں ان ٹوئٹس پر بھارتی آگ بگولہ ہو گئے ہیں۔ یاد رہے کہ مقبوضہ کشمیر میں کرفیو کو 24 دن ہو چکے ہیں، کشمیری مسلمانوں کے پاس دوائیاں اور کھانے پینے کی اشیاء ختم ہو چکی ہیں، لیکن بے حس بھارتی حکومت ٹھس سے مس نہیں ہو رہی۔ پاکستان نے اس مسئلے کو عالمی سطح پر اٹھایا ہے اور تمام ممالک سے رابطے کئے جا رہے ہیں۔ بھارت کے اس ظالمانہ اقدام پر بھارت میں حکومت کے خلاف آواز بلند کی جا رہی ہے لیکن آواز بلند کرنے والوں کو بھارتی حکومت گرفتار کر لیتی ہے۔
