لندن(آن لائن) بھارتی باکسر نیراج گویت نے سوشل میڈیا پر اپنی ایک تصویر میں ٹیبل پر پستول اور مختلف اقسام کی گنز رکھ کر پاکستانی نڑاد برطانوی باکسر عامر خان کو باکسنگ مقابلے کا چیلنج دے دیا۔سوشل میڈیا ویب سائٹ ٹویٹر پر ہتھیاروں کے ساتھ تصویر لگا کر نیراج گویت نے لکھا کہ”میں اب مکمل طور پر فٹ ہوں اور عامر خان کو رنگ میں ہرانے کے لیے تیار ہوں“۔نیراج گویت کے اس ٹویٹ پر برطانوی نڑاد پاکستانی

باکسرعامرخان نے بھارتی باکسر کو کرارا جواب دیتے ہوئے ٹویٹر پر اپنے پیغام میں لکھا کہ ”تم مجھے ان پستول اور گن سے بھی نہیں ہرا سکتے،مجھے ہرانے کے لیے گن سے زیادہ کچھ اورکرنے کی ضرورت ہے“۔یاد رہے کہ ایتھنز اولمپکس 2004ء  کے سلور میڈلسٹ عامر خان اور نیراج گویت کے مابین 12جولائی کو فائٹ شیڈول تھی تاہم کارحادثے کے باعث نیراج گویت عامرخان سے فائٹ سے دستبردار ہوگئے تھے۔