لاہور( این این آئی)ایف پی سی سی آئی کے سابق صدر زبیرطفیل نے کہا ہے کہ فیڈریشن چیمبر آف کامرس اینڈ انڈسٹری ملکی اکنامی کو بہتر بنانے کیلئے حکومت کے ساتھ مکمل تعاون کررہی ہے اور حکومت بھی ایف پی سی سی آئی کے ساتھ مشاورت کے ذریعہ بزنس کمیونٹی کو درپیش مسائل ختم کرنا چاہتی ہے مگرموجودہ حالات میں ملک کی ایکسپور ٹ انڈسٹری سمیت تجارت اور صنعت کو سہولیات مہیا کرنے کی

ضرورت ہے،وزیراعظم کے ساتھ گزشتہ ملاقات میں ہمیں امید ہوئی ہے کہ صورتحال بہتر ہونے پر دوبارہ ٹیکسٹائل سیکٹر کو زیروریٹنگ کی سہولت مہیا کردی جائے گی،بزنس کمیونٹی کو وزیراعظم عمران خان کے وعدوں پر اعتماد ہے اور ان کا امریکہ کا دورہ بھی کامیاب رہا ہے جس کے اثرات جلد سامنے آئیں گے ۔انہوں نے یہ بات گزشتہ روز سابق نائب صدر شکیل احمدڈھینگڑا کے ہمراہ ایف پی سی سی آئی کے قائمقام صدر نوراحمدخان سے ملاقات میں گفتگو کے دوران کہی۔اس موقع پر انہوں نے نوراحمدخان کو پھول بھی پیش کئے۔ زبیرطفیل نے کہا کہ اس وقت ضرورت اس بات کی ہے کہ پاکستان کی ترقی اور خوشحالی کے بارے میں سوچا جائے،پاکستان دشمن قوتیں نہیں چاہتیں کہ ہمارا ملک ترقی کرے لیکن موجودہ وزیر اعظم عمران خان کیونکہ نہ تو خود کرپٹ ہیں اور نہ ہی وہ کرپشن کو پنپنے یں گے ہمیں اچھے مستقبل کیلئے انکا ساتھ دنیا چاہیئے۔یو بی جی کے سیکریٹری جنرل نے مزید کہا کہ انکا کہنا تھا کہ ایف پی سی سی آئی میں سال2020 کے الیکشن کی تیاریاں شروع ہونے والی ہیں اوریو بی جی اپنے ڈائنامک لیڈران ایس ایم منیر اور افتخار علی ملک کی قیادت میں مسلسل چھٹا الیکشن بھی اکثریت سے جیتے گااور مخالفین ایک بار پھر ناکام ہونگے، ہماسرے گروپ نے فیڈریشن کے معاملات درست بنانے اوربزنس کمیونٹی کو انکا حق دلوانے کی بھرپور جدوجہد کی ہے، فیڈریشن چیمبر آف کامرس اب مضبوط ہاتھوں میں ہے۔