ویلنگٹن( آن لائن )نیوزی لینڈ کرکٹ بورڈ نے ورلڈکپ سکواڈ میں شامل اپنے کھلاڑیوں کو ایک ہی پیمانے میں تول دیا ہے اور 3 ملین ڈالر کی انعام رقم پورے سکواڈ میں یکساں طور پر تقسیم کرنے کا فیصلہ کیا ہے۔نیوزی لینڈ کو ورلڈ کپ فائنل ٹائی ہونے کے باوجود کم بانڈریز کی وجہ سے رنر اپ قرار دیتے ہوئے آئی سی سی نے 2ملین ڈالر انعامی رقم دی جب کہ فائنل جیتنے والے انگلینڈ کو ٹرافی کے ہمراہ 6 ملین ڈالر ملے۔کیویز کی جانب سے یہ رقم اپنے تمام 15 رکنی سکواڈ میں برابر تقسیم ہو گی جب کہ کچھ حصہ سپورٹنگ سٹاف کو

بھی ملے گا۔نیوزی لینڈ کرکٹ کے سینٹرل کنٹریکٹ کے تحت تمام ٹورنامنٹس سے حاصل ہونے والی رقم پورے سکواڈ کو ملتی ہے اور یہی اصول ورلڈ کپ سے حاصل ہونے والی انعامی رقم پر بھی لاگو ہوگا جس کا مطلب ہے کہ ایونٹ میں ایک بھی میچ نہ کھیل پانے والے بیک اپ وکٹ کیپر ٹام بلنڈل بھی کپتان کین ولیمسن کے برابر 1 لاکھ 26 ہزار102 ڈالر(تقریبا2کروڑ ایک لاکھ70ہزار 14 پاکستانی روپے) حاصل کریں گے جنہوں نے 10 میچوں میں 578 رنز بنائے اور ٹورنامنٹ کے بہترین کھلاڑی کاایوارڈ بھی اپنے نام کیا۔