کنگسٹن(آن لائن) ویسٹ انڈیز ٹیسٹ اور ون ڈے ٹیم کے کپتان جیسن ہولڈر رواں سال شیڈول کیریبین پریمیئر لیگ میں بارباڈوس ٹریڈنٹس کی قیادت کریں گے۔ انہیں گزشتہ سال سیزن میں کیرن پولارڈ کی جگہ یہ ذمہ داری دی گئیں تھیں، ہولڈر 2017ء￿ میں دورہ انگلینڈ کی وجہ سے سی پی ایل میں شرکت نہیں کر سکے تھے۔ 27 سالہ جیسن ہولڈر 104ون ڈے اور 37 ٹیسٹ میچز میں ملک کی نمائندگی کرنے کا اعزاز حاصل ہے۔اپنے ایک بیان میں جیسن ہولڈر نے کہا کہ وہ گزشتہ سال بارباڈوس کے کپتان مقرر

ہوگئے جو انکے لئے باعث اعزاز ہے۔ انہوں نے کہا کہ کوشش ہو گی کہ ٹیم کو فرنٹ سے لیڈ کرتے ہوئے اسے فتوحات دلانے میں اہم کردار ادا کروں۔ کیریبین پریمیئر لیگ 4 ستمبر سے 12 اکتوبر تک شیڈول ہے، ٹرنبیگو نائٹ رائیڈرز ٹائٹل کا دفاع کرے گی۔ نوجوان پاکستانی فاسٹ بائولر محمد حسنین دفاعی چیمپئن ٹرنبیگو نائٹ رائیڈرز کی نمائندگی کرینگے، پاکستانی فاسٹ بائولر وہاب ریاض کی خدمات ٹریڈنٹس فرنچائز کو حاصل ہونگی۔ شاداب خان گیانا امیزن واریرز کی طرف سے ایکشن میں دکھائی دیں گے۔