دبئی(نیوز ڈیسک) لاکھوں پاکستانی اپنے مایہ ناز کرکٹر وسیم اکرم کو ایک بار پھر کھیل کے میدان میں دیکھنے کے خواہش مند ہیں، جو شائقین چاہتے ہیں وسیم اکرم ایک بار پھر اپنی جادوئی با?لنگ کے جوہر دکھائیں ان کے لیے خوشخبری ہے کہ دبئی کی ماسٹرز چیمپئن لیگ نے دنیا بھر کے لیجنڈ کرکٹرز کو ایک بار پھر میدان میں اتارنے کا بیڑہ اٹھایا ہے جن میں وسیم اکرم بھی شامل ہیں، وسیم اکرم کے ہمراہ جیک کیلس، برائن لارا، ایڈم گلکرسٹ وی دیگر عظیم کھلاڑی اس ٹی ٹوئنٹی ٹورنامنٹ میں ایک بار پھر کارکردگی دکھاتے ہوئے نظر آئیں گے۔
دبئی کے برج العرب میں اس ٹورنامنٹ کی افتتاحی تقریب ہوئی جس میں وسیم اکرم، سابق آسٹریلوی بلے باز ایلن بارڈر اور انگلش ٹیم کے سابق کپتان گراہم گوک شامل تھے۔اس ٹورنامنٹ میں 6ٹیمیں شامل ہوں گی جن میں سے ہر ٹیم 15کھلاڑیوں پر مشتمل ہو گی، پورے ٹورنامنٹ میں 90لیجنڈ کرکٹرز حصہ لیں گے۔ جنوری 2016ئ میں شروع ہونے والے اس ٹی ٹوئنٹی ٹورنامنٹ کے میچ دبئی انٹرنیشنل کرکٹ سٹیڈیم، شارجہ کرکٹ سٹیڈیم اور شیخ زید سٹیڈیم میں کھیلے جائیں گے۔ ویسٹ انڈیز کے سابق کرکٹر برائن لارا کا کہنا ہے کہ مجھے اس ٹورنامنٹ کا سن کر بے حد خوشی ہوئی ہے اور مجھے فخر ہے کہ میں اس کا حصہ ہوں، ایسے ٹورنامنٹس کے لیے دبئی بہترین جگہ ہے، تمام کرکٹرز کے شائقین کی بڑی تعداد دبئی میں مقیم ہے یا پھر آسانی سے دبئی آ سکتی ہے۔