اسلام آباد( آن لائن ) گزشتہ کئی ہفتوں سے قیمتوں میں مختلف اشیا کی قیمتوں میں اضافے کی خبروں کے بعد عوام کے لیے اچھی خبر یہ ہے کہ یوٹیلیٹی اسٹور پر اشیا خوردونوش کی قیمتوں میں کمی کردی گئی ہے۔یوٹیلیٹی اسٹورز کارپوریشن کے نوٹیفیکیشن کے مطابق گھی کی قیمت میں 26 روپے فی کلو کمی کردی گئی۔نوٹیفیکیشن میں مزید بتایا گیا کہ کوکنگ آئل 21 روپے فی لیٹر سستا کردیا گیا ہے۔دریں اثناگزشتہ روز جاری ہونے والی

اسٹیٹ بینک کی رپورٹ کے مطابق مالی سال 19کے دوران اقتصادی نمو کی رفتار خاصی سست ہوگئی ہے اور اسکی بنیادی وجہ جڑواں خساروں پر قابو پانے کی غرض سے کیے جانے والے پالیسی اقدامات کاردِعمل ہے۔مرکزی بنک کی رپورٹ میں کہا گیاہے کہ ان اقدامات سے صنعتی شعبے کی کارکردگی متاثر ہوئی اوراشیا سازی کی سرگرمیاں ماند پڑیں۔پانی اور موسم سے متعلق خدشات اوراس کے ساتھ ساتھ اہم خام مال کی بلند قیمتوں نے فصلوں کی پیداوارپراپنا اثرڈالا۔