ملتان (نیوز ڈیسک) پاکستانی کرکٹ ٹیم کے سابق کپتان انضمام الحق نے کہا ہے کہ ایسی کوئی جادو کی چھڑی نہیں ہے،جو گھمانے سے ملک میں ورلڈ کلاس کھلاڑی پیدا ہو جائیں۔ملک کے اندر ڈومیسٹک کرکٹ کو بہتر کرنا ہوگا۔ سسٹم بہترین بن گیا تو اچھے کھلاڑی سامنے آئیں گے۔انضمام الحق نے کہا کہ ملک میں ورلڈ کلاس کرکٹرز سامنے لانے کیلئے ڈومیسٹک ا سٹرکچر کو یکسر بدلنا ہوگا۔ کوچز صرف کھلاڑیوں کو بتاسکتے ہیں۔ہدایات پر عمل کرنا کھلاڑیوں کا کام ہے جبکہ کوچز کو کھلاڑیوں اور ٹیم کی کارکردگی بہتر کرنے کیلئے وقت دینا چاہئے۔کوچز کی قبل از وقت تبدیلی مشکلات کا حل نہیں ہے۔ انضمام الحق نے کہا کہ سعید اجمل کو دوبارہ اپنی کھوئی ہوئی فارم حاصل کرنے کیلئے اعتماد اور بھرپور پریکٹس کی ضرورت ہے۔