اسلام آباد (این این آئی)پاکستان تائیکوانڈو فیڈریشن کے صدر لیفٹیننٹ کرنل (ر) وسیم احمد نے کہا ہے کہ قومی تائیکوانڈو ٹیم رواں ماہ تین انٹرنیشنل ٹورنامنٹس میں شرکت کرئے گی ۔ تفصیلات کے مطابق 16قومی تائیکوانڈو پلیئرز 18جولائی سے 29جولائی تک اردن میں منعقد ہونیوالی 10ویں ایشین جونیئر تائیکوانڈو چمپئن ، آل حسن انٹرنیشنل اوپن کپ اور یوتھ کیڈٹ چمپئن شپ میں حصہ لے گی۔انہوں نے بتایا کہ انڈر۔ 17کیٹیگری میں میں محمد دانش ، تیمور سعید ، کیڈٹ کیٹیگری میں فاطمہ الزہرہ ،حنان اسحق ، سعد آصف ، سینئرز

کیٹیگری میں شاہ زیب خان ،ہارون خان ، نقش ہمدانی میڈلز کی توقعات ہیں ، امیف ہے کہ پلیئرز ایونٹس میں اچھا پرفارم کرینگے ، انہوں نے بتایا کہ انٹرنیشنل ٹورنامنٹس میں شرکت کو یقینی بنانے کیلئے تائیکوانڈو فیڈریشن کے پیٹرن لیفٹیننٹ جنرل (ر) جاوید اقبال ، سی ای او ہنوک کمپنی عمر سعید سمیت دیگر شخصیات کی جانب سے مالی سپورٹ فراہم کرنے پر ان کے مشکور ہیں ۔ انہوں نے بتایا کہ چمپئن شپ کے دوران ایشین تائیکوانڈو فیڈریشن کی جنرل کونسل اجلاس میں بھی وہ شرکت کرینگے جو 16جولائی کو منعقد ہوگی ۔