کراچی (آن لائن)پاکستان کے پہلے سے خسارے کے شکار قومی اداروں نے نجی بینکوں سے گزشتہ مالی سال کے دوران 36 فیصد زائد کے قرضے لیے۔رپورٹ کے مطابق مالی سال 19-2018 کے اختتام پر اداروں کے مجوعی قرضے 10 کھرب 68 ارب روپے تک پہنچ گئے۔اسٹیٹ بینک آف پاکستان (ایس بی پی) کی جانب سے جاری ہونے والے اعداد و شمار کے مطابق نقصان میں چلنے والے اداروں نے راوں 19-2018 کے دوران 3 سو 29 ارب 70 کروڑ روپے کے قرضے لیے۔

جبکہ مالی سال 18-2017 کے دوران یہ قرضے 2 سو 45 ارب روپے جبکہ 17-2016 کے دوران یہ قرضے 2 سو 54 ارب روپے پر تھے۔جب پاکستان تحریک انصاف اقتدار میں آئی تو اس نے ابتدائی طور پر “خودمختار مالی فنڈ” کے قیام کی بات کی جسے انہوں نے سرمایہ کمپنی کا نام دیا جس کے سائے تلے تمام ریاستی اداروں کو جمع کرنا تھا۔حکومت نے سرمایہ کمپنی بنائی اور اس کے لیے بورڈ آف ڈائریکٹرز کا بھی تقرر کیا جنہوں نے بعد میں چیئرمین کا انتخاب کیا۔