لندن(مانیٹرنگ ڈیسک) آئی سی سی کرکٹ ورلڈکپ 2019 میں پاکستان آج بنگلہ دیش کیخلاف اپنا 9واں اور ٹونامنٹ کا 43واں میچ کھیلے گا ۔ میچ پاکستانی ٹائم کے مطابق اڑھائی بجے شروع ہو گا ۔ پاکستان کو سیمی فائنل میں پہنچنے کیلئے بنگلہ دیش کو بڑے مارجن سے ہرانا ہو گا ۔ ٹاپ فو ر کی پوزیشن میں پہنچنے کیلئے پاکستانی ٹیم کو بنگلہ دیشن کیخلاف 400 رنز بنانا ہوں گے اور پھر بنگلادیش کو 84 رنز پر آؤٹ بھی کرنا ہوگا۔

اگر گرین شرٹس نے 350 رنز بنائے تو 311 رنز سے میچ جیتنا ہوگا یعنی صرف 39 رنز پر بنگلادیش کو آؤٹ کرنا ہوگا۔ بنگلادیش کا ون ڈے کرکٹ میں کم سے کم اسکور 58 ہے جو اس نے ورلڈ کپ 2011 میں ویسٹ انڈیز کے خلاف بنایا تھا، پاکستان کو بھی اسی طرح بنگلادیشی ٹیم کو آؤٹ کرنا ہوگا۔واضح رہے کہ نیوزی لینڈ کی انگلینڈ کے ہاتھوں شکست کے بعد پاکستان کے سیمی فائنل میں پہنچنے کے امکانات تقریباً ختم ہوگئے ہیں۔