لندن(این این آئی) کرکٹ ورلڈکپ 2019 میں بنگلا دیش کیخلاف میچ کیلئے پاکستانی ٹیم میں بڑی تبدیلیوں کا امکان ہے۔پاکستان کرکٹ ٹیم نے لارڈز کرکٹ گراؤنڈ میں بھرپور ٹریننگ سیشن کیا۔ فاسٹ بولر وہاب ریاض نے بھی ٹریننگ سیشن میں حصہ لیا، انہوں نے ایک بینڈ یج کیساتھ بولنگ کی۔تاریخی لارڈز کرکٹ گراؤنڈ میں ٹیم پاکستان نے فزیکل ٹریننگ اور فیلڈنگ سیشن کیا لارڈز کرکٹ گراؤنڈ سے ملحقہ نرسری گراؤنڈ میں کرکٹرز نے 2 گھنٹے بولنگ اور بیٹنگ کی مشقیں کیں۔بنگلا دیش کیخلاف میچ کیلئے ٹیم میں تبدیلیوں پر

غور شروع کر دیا گیا اور اسی مناسبت سے قومی ٹیم نے سخت ٹریننگ کی جس میں محمد حفیظ نے نئی گیند کیساتھ بھرپور بیٹنگ پریکٹس کی جس کے باعث امکان ہے کہ فخر زمان کو ڈراپ کیا جا سکتا ہے اور امام الحق کیساتھ محمد حفیظ اوپن کریں گے۔تجربہ کار بلے باز شعیب ملک کو بھی پلئنگ الیون کا حصہ بنایا جا سکتا ہے، بولنگ کے شعبے میں تبدیلی میچ کی اہمیت اور پاکستان کی پوزیشن مزید واضح ہونے پر کیا جائے گا، بولنگ کے شعبے میں تبدیلی ہوئی تو امکان ہے کہ وہاب ریاض کی جگہ حسن علی کو کھلایا جائے۔