لاہور (این این آئی)پارلیمانی کرکٹ ورلڈ کپ کیلئے پاکستانی اراکین اسمبلی کی ٹیم لاہور سے لندن روانہ ہوگئی ۔ جمعرات کو پارلیمنٹ کرکٹ ٹیم مخدوم زین حسین قریشی کی قیادت میں روانہ ہوئی ،رکن قومی اسمبلی ملک محمدعامرڈوگر،راجہ ریاض، علی حیدرگیلانی،مرتضی محمود بھی ہمراہ تھے ،پارلیمانی کرکٹ ٹیم کے اراکین لاہور ائیرپورٹ سے روانہ ہوئے۔

ڈپٹی اسپیکر قومی اسمبلی قاسم سوری عمرہ سے واپسی پر لندن روانہ ہوں گے ،علی نواز اعوان ، علی امین گنڈا پور ، فیض اللہ کموکہ ، ارباب شیر علی اور دیگرٹیم ممبران بھی سات جولائی تک لندن پہنچیں گے ،ٹیم کے کپتان مخدوم زین قریشی نے ائیرپورٹ پر روانگی سے قبل ویڈیو پیغام بھی جاری کردیا،پارلیمانی ورلڈ کپ 8 جولائی سے 15 جولائی تک منعقد ہوگا۔