ظفر وال(این این آئی) سابق وزیراعظم نواز شریف کی صاحبزادی اور (ن)لیگ کی نائب صدر مریم نواز نے کہا ہے کہ گرفتاریاں عمران خان کے خوف کی عکاس ہیں۔مریم نواز نے ظفر وال میں تھیلسمیا میں مبتلا ن لیگی کارکن ذکی الرحمن کے گھر جاکر عیادت کی اور ان سے نواز شریف اور حمزہ شہباز کیلئے خصوصی دعا کرنے کا کہا۔(ن) لیگی نائب صدر نے کہا کہ عمران خان کو پتا نہیں کس بات کا غصہ تھا،اب یہ ڈرامے نہیں چلیں گے۔انہوں نے کہاکہ عمران خان کی زبان اور سوچ اپنی نہیں لوگ ڈرتے ہیں وہ اچانک کیا بول دیں۔مریم نواز نے کہا کہ

عمران خان لوگ پوچھیں کہ پیاز،چینی کیوں مہنگی کی تو کہنا نواز شریف کو گرفتار کرایا۔انہوں نے کہا کہ خان صاحب، جب لوگ پوچھیں کہ پٹرول کیوں مہنگا ہوا تو کہنا ا?صف زرداری کو گرفتار کیا ہے۔دریں اثناء مسلم لیگ ن کی نائب صدر مریم نواز شریف نے ظفروال میں جلسے سے خطاب کرتے ہوئے کہا ہے کہ عمران خان بہت جلد لندن بھاگنے والا ہے، عمران خان کی کیا حیثیت کہ وہ کسی کو این آر او دے سکے، چند دنوں میں یہ خود این آر او مانگ رہا ہوگا۔یہ بہت جلد لندن بھاگنے والا ہے جہاں اس کے بچے اور سب کچھ ہے۔