اسلام آباد (این این آئی) اسلام آباد ہائی کورٹ نے بلیو ایریا میں خوف وہراس پھیلانے والے سکندر کی سزا ء کے خلاف اپیل مسترد کر دی ۔ بدھ کو چیف جسٹس اطہرمن اللہ اورجسٹس میاں گل حسن اورنگزیب نے تفصیلی فیصلہ جاری کیا ،22 صفحات پر مشتمل تحریری فیصلہ میں کہاگیاکہ چھ سال قبل بندوق کی نوک پر خوف پھیلانے والے سکندر سزا پوری کرے۔فیصلے میں کہاگیاکہ پراسیکیوشن نے اپنا کیس ثابت کیا سکندر کی اپیل مسترد کی جاتی ہے۔

فیصلے میں کہاگیاکہ ٹرائل کورٹ نے سکندر کو کم سزا دینے کی وجہ بیان نہیں کی، وفاق نے سزا بڑھانے کے لیے اپیل بھی دائر نہیں کی۔ یاد رہے کہ بلیوایریا میں 16 اگست 2013 کو واقعہ پیش آیا تھا،گیارہ مئی2017 کوانسداد دہشت گردی عدالت نے ملزم سکندر کو 16 سال قید کی سزا سنائی تھی ۔عدالت نے ملزم سکندر پر ایک لاکھ 10 ہزار روپے جرمانہ بھی عائد کیاگیاتھا۔عدالت نے سکندر کی سزاکے خلاف اپیل پر فیصلہ 13 مارچ کو محفوظ کیا تھا۔‎