اسلام آباد (بی این پی)اقتصادی سروے رپورٹس پر پیپلز پارٹی نے حکومت پر کڑی تنقید کرتے ہوئے کہاہے کہ اقتصادی سروے رپورٹس عمران خان کی ناکامی اور نااہلی کا ثبوت ہے۔ ایک بیان میں پاکستان پیپلزپارٹی کے سیکرٹری جنرل نیر حسین بخاری نے کہاکہ اقتصادی سروے رپورٹس عمران خان ناکامی اور نااہلی کا ثبوت ہے۔ انہوں نے کہاکہ تبدیلی سرکار پہلے سال میں کوئی معاشی
ہدف حاصل نہ کر سکی، حکومت کو اپنی ناکامی کا اعتراف کرلینا چاہئے۔انہوں نے کہاکہ حکومت نے آئی ایم ایف کے احکامات پر عمل کر کے ملکی معیشت کا بیڑا غرق کر دیا ہے۔انہوںنے کہاکہ حکمران عوام کو ریلیف دینے کی بجائے ذاتی مفادات کے تحفظ میں لگے ہیں۔نیر بخاری نے کہاکہ تاریخ کی ناکام ترین حکومت نے لوگوں کی زندگیاں اجیرن بنا دی ہیں، شیخ چلی ٹولہ کا ہر دعویٰ جھوٹ کا پلندہ ثابت ہوا۔
