اسلام آباد(آن لائن) وفاقی وزیر سائنس و ٹیکنالوجی فواد چودھری نے کہا ہے کہ مریم نواز جب بھی والد سے ملنے جاتی ہیں نواز شریف کی طبیعت اور زیادہ بگڑ جاتی ہے،بہت آسان حل ہے کہ تینوں بچے والد کے پیسے واپس کردیں، نوازشریف وہ پیسے قوم کو لوٹا دیں اور باقی زندگی آرام سے گزاریں۔ ہفتے کے روز ٹویٹر پر جاری پیغام میں فواد چوہدری نے

مریم نواز کے نواز شریف کی صحت سے متعلق ٹویٹ کا جواب دیتے ہوئے کہا ہے کہ اللہ میاں صاحب کو صحت دے۔ مریم بی بی جب بھی نوازشریف سے ملی ہیں ان کی طبیعت زیادہ خراب ہوئی ہے۔ آسان اور سیدھا حل ہے کہ تینوں بچے والد کے پیسے واپس کردیں، نوازشریف وہ پیسے قوم کو لوٹا دیں اور باقی زندگی آرام سے ہنسی خوشی گزاریں۔