لاہور(این این آئی)سابق وزیراعظم محمد نواز شریف کے ذاتی معالج ڈاکٹر عدنان نے کہا ہے کہ نواز شریف کی جیل میں طبیعت خراب ہو گئی جس پر انہوں نے سیل کے گارڈ کو دروازہ کھولنے کے لئے کہا، ان کی زندگی خطرے میں ہے اور یہ ایک وارننگ ہے۔ ٹوئٹر پر اپنے بیان میں ڈاکٹر عدنان نے کہا کہ نواز شریف سے جیل
میں ملاقات ہوئی اور ان کا طبی معائنہ کیا ہے۔ صبح چار بجے نواز شریف کی جیل میں طبیعت خراب ہوئی، نواز شریف نے ڈیوٹی پر موجود گارڈ کو سیل کا دروازہ کھولنے کے لئے کہا۔ انہوں نے کہا کہ نواز شریف ادویات کے استعمال کے بعد بمشکل سنبھل سکے، ان کی زندگی خطرے میں ہے، یہ ایک وارننگ ہے۔
